(287)                              SOUS LE RÈGNE DE CHARLES Vl.                                   47
Requiem pour les ames de moy, de mon pere, de ma mere et de tous mes amis et bienfaicteurs.
Item, je laisse au curé de l'eglise où je seray enterré dix frans.
Item, je laisse à chascun des chapelains de la dicte eglise deux frans.
Item, je laisse à chascun des clercs du dit lieu un franc.
Item, je laisse à la fabrique de la dicte eglise dix frans.
Item, au couvent des Freres Meneurs de Paris vint frans, et parmi ce, qu'ilz seront tenuz de dire cinquante messes de Requiem pour les ames de moy, de mon pere, et de ma mere et de tous mes bienfaicteurs.
Item, aux Freres Prescheurs de Paris dix frans; et parmi ce, ilz seront tenuz de dire vint cinq messes de Requiem pour les ames de moy, de mon pere, de ma mere et de tous mes bienfaicteurs.
Item, aux Augustins de Paris dix frans, par semblable condicion.
Item, aux Freres des Carmes de Paris dix frans, par semblable con­dicion et maniere.
Item, aux-Freres des Billettes de Paris dix frans, par semblable maniere et condicion.
Item, je laisse aux Freres Meneurs du couvent de Beauvais dix frans, pour semblable condicion.
Item, aux Freres Prescheurs du dit Beauvais, pour semblable, dix frans.
Item, je vueil et ordene que quarante livres Parisis de rente adrnor-ties soient achetées, dont les trente six livres sont pour la fondacion d'une chapelle en l'eglise de Beauvais, en laquele sera dicte et célé­brée , chascun jour, une messe de Requiem pour les ames de moy, de mon pere et de ma mere, de mes freres et seurs, et de tous mes-autres amis et bienfaicteurs; et les autres quatre livres seront pour faire mon anniversaire, chascun an, en la dicte eglise de Beauvais.
Item, je vueil et ordene que mes serviteurs seront bien paiez et satisfaiz.
Item, je laisse à Yvonnet Graal, oultre son salaire, quarante frans d'or et mon meilleur mantel à chevaucher.